Мақтааралдан шыққан 30 жастағы тиран-күйеу әйелін оңдырмай сабаған

Сорақысы, мұндай қатыгездік 2-4 жасар сәбилердің көзінше орын алды.

Алматыдан жылап Жәмилә хабарласты, деп дабыл қақты facebook-те журналист Гүлмира Әбіқай.

"Таңғы 10-да әр балаға 21 мың теңге жәрдемақы жасатуға кетіп, үйге 12-де келген әйелін күйеуі осылай сабап тастаған", деп хабарлайды ол.

Қолмен емес, саусағына ілінген шнурдың розеткасымен соққылаған екен.

"– Сорақысы, мұндай қатыгездік 2-4 жасар сәбилердің көзінше орын алды. Әйелдің жасы 25-те, күйеуі 30-дан енді асқан. Жас отбасы Алматыға жақында Мақтаралдан көшіп келіп, пәтер жалдап тұрады. Мынау масқара ғой, қымбатты #анаменбала_құқы қорғаушы ұйымдар оразада бір сауап жасап, араша түсейікші! Камиша Есмухамбеткызы тиран байға Алматы Мақтарал еместігін заңды түсіндіріп береді деп сенемін, ал өзім, сол жақта жүрмін", – деп жазды журналист.