"Шұбаркөл көмір" делдал компаниялармен ауыз жаласқан деген күдікке ілінді

"Шұбаркөл Көмір" АҚ, көмірді көтерме бағамен сатушылар мен биржа брокерлеріне қатысты тергеу басталды, деп хабарлайды zakon.kz Бәсекелестікті қорғау және дамыту комитетіне сілтеме жасап.

- Монополияға қарсы орган "Астана" универсальды тауар биржасына» қойылған көмірді "Шұбаркөл Көмір" АҚ мен көмірді көтерме бағамен сатушылар (Алматы, Қарағанды ​​және Жамбыл облыстары) теңдей бөліп, сатып алу туралы алдын ала өзара сөз байласты деген күдікпен тергеу жүргізді, - делінген хабарламада.

Сондай-ақ көтерме бағамен тауар өткізуші брокерлерге (10 компания) қатысты да тергеу жүргізіліп жатыр.

Сонымен қатар, монополияға қарсы орган брокерлік компаниялармен бірге көмірді көтерме бағамен өткізетін "Богатырь Көмір" ЖШС-ға қатысты тергеуді бастады.

"Монополияға қарсы орган "Еуразиялық Сауда Брокері" ЖШС брокерлік компаниясына қатысты экономикалық қызметті үйлестіру белгілері бойынша және "Богатырь Көмір" ЖШС-ның тұрмыстық қалдыққа арналған көмірін алты делдал компанияның алдын ала сөз байласып, бөліп алу күдігі бойынша да тергеу жүргізіліп жатыр", - делінген комитет хабарламасында.

Оқи отырыңыз

Тәжікстан мен Өзбекстанда жер сілкінісі болды

14:58, 23 қараша 2024

Астана тұрғындарына қала көгінде әскери ұшақтар пайда болатыны ескертілді

11:32, 23 қараша 2024

Іле Алатауының басына шығып алған жасөспірім одан түсе алмай қиналған

09:45, 23 қараша 2024