Алматыда Көк базар жанындағы кафенің бірі өртенді

Қазіргі таңда қызыл жалын ауыздықталды.

Алматыда Көк базар маңында кафе өртенді. Төтенше жағдай бүгін таңертең орын алған, деп хабарлайды Аlmaty.tv.

Өрт сөндірушілер оқиға орнына 8 минутта жеткен.

"Оқиға орнына келгенде 2-қабатты ғимаратта орналасқан кафенің өртеніп жатқаны анықталды", - деп хабарлады ТЖД өкілдері.

Қазіргі таңда қызыл жалын ауыздықталды.

"Өрт 52 минут ішінде толықтай сөндірілді. Қызыл жалын 80 шаршы метрді шарпыған. Отты сөндіруге 7 техника, ТЖД-ның 22 қызметкері жұмылдырылды", - деді Төтенше жағдайлар департаментінің өкілдері.