Нұр-Сұлтанда қарды уақтылы тазаламаған компанияларға айыппұл салынды
elorda.info
Нүр-Сұлтанда қарды уақтылы тазаламағаны үшін 50 ПИК-ке (басқарушы компаниялар, ЖШС) жалпы сомасы 1 млн 187 мың теңгеден аса айыппұл салынды, деп хабарлады zakon.kz қала әкімінің баспасөз қызметіне сілтеме жасап.
Биыл қыс басталғалы "Қалалар мен елді мекендерді абаттандыру ережелерін бұзу" ҚР ӘҚБК 505-бабы бойынша 23 мердігер ұйым әкімшілік жауапкершілікке тартылды, айыппұл сомасы 1 млн 800 мың теңгені құрады.
Мысалы, REM.KZ ЖШС "Азия парк» СОО-ның маңайындағы аумақты дер кезде қар мен мұздан тазаламағаны үшін 126 250 теңге айыппұл салынды.
Айта кетсек, кеше қаланы қардан тазалау жұмыстарына 1 мыңнан астам арнайы техника мен 1652 жұмысшы жұмылдырылды. 23 желтоқсаннан 24 желтоқсанға қараған түні 24 150 текше метр қар шығарылды (2 013 рейс). Барлығы 1 051 668 текше метр қар аршылды, бұл шамамен - 87 639 рейс.
