Талдықорғанда мылтық пен тапаншасы бар жас жігіт ұсталды

weapon.temadnya.com

Бұл фактіге қатысты "Заңсыз қару сақтау" бабы бойынша тергеу басталды.

Талдықорғанда жаңа жылдың алғашқы күні қару ұстанған жас жігіт ұсталды, деп хабарлайды zakon.kz Алматы облысы полиция департаментінің баспасөз қызметіне сілтеме жасап.

2020 жылдың 1 қаңтарында Талдықорғандағы патрульдік полиция қызметкерлері BMW маркалы автокөлікті тексеру кезінде 16 калибрлі мылтық, сондай-ақ тіркеу нөмірі жоқ газ револьверін тауып, тәркіледі.

- Қазір 19 жастағы көлік жүргізушісіне қатысты ҚР Қылмыстық кодексінің 287-бабы, яғни "Заңсыз қару сақтау" бойынша тергеу басталды. Қаруды атуға жарамдылығын тексеру үшін сараптамаға жіберілді, деп хабарлады облыстық ПД баспасөз қызметі.

Облыстық полиция департаменті өткен жылы Алматы облысының полиция қызметкерлері заңсыз айналымдағы 157 дана қару мен 615 түрлі оқ-дәріні тауып, тәркілегендерін атап өтті.

- Негізінен, бұл тегіс ұңғылы қару, бірақ тәркіленгендердің ішінде бес мылтық пен бір граната да бар. Тергеудің әрбір фактісі аяқталғаннан кейін тәркіленген қару ерітіліп, көзі жойылады. Заңсыз айналымнан алынған оқ-дәрілер де жоюға жіберіледі, - деді аймақтық ПД Азаматтық және қызметтік қарулардың айналымын бақылау бөлімінің бастығы Юрий Пак.

2019 жылы Алматы облысында тұрғындардан қару-жарақ сатып алу үшін бюджеттен 6,5 млн теңге бөлінген. Бұл акцияға 97 адам жүгініп, олар 147 дана түрлі қару мен мылтық, одан бөлек 610 оқ-дәрі тапсырды.

Оқи отырыңыз