Жамбыл облысында тыйым салынған кітаптарды сақтағаны үшін төрт қырғыз сотталды
Көліктегі полиция департаментінің баспасөз қызметі
Жамбыл облысында пойызда тыйым салынған діни кітаптарды өзімен бірге алып жүрген Қырғыз Республикасының төрт азаматы сотталды, деп хабарлайды zakon.kz Көліктегі полиция департаментінің баспасөз қызметіне сілтеме жасап.
Экстремизмге қарсы күрес басқармасының бастығы Ерлан Әлімов өткен жылдың қазан айында Луговая станциясында жолаушылар пойыздарын тексеру кезінде Қырғыз Республикасының төрт азаматы ұсталғанын айтты. Олардың әрқайсысынан, сараптама қорытындысына сәйкес, Қазақстан Республикасының аумағында тыйым салынған діни кітаптар тәркіленді.
- Жамбыл облысы Меркі аудандық сотының шешіміне сәйкес, ұсталған адамдар ҚР Қылмыстық әкімшілік кодексінің 453-бабының 4-бөлігі, яғни "Қазақстан Республикасының аумағында бұқаралық ақпарат құралдарына жатпайтын, конституциялық құрылымды күшпен өзгертуді, Қазақстан Республикасының тұтастығын бұзу, мемлекеттің қауіпсіздігін нұқсан келтіру, соғыс, әлеуметтік, нәсілдік, ұлттық, діни, мүліктік және рулық алауыздықты насихаттау немесе үгіттеу, зорлық-зомбылық және порнографиялық мазмұндағы өнімді дайындау, сақтау, тасымалдау, тарату" бойынша әкімшілік жауапкершілікке тартылып, олардың әрқайсысына 176 мың 500 теңге көлемінде айыппұл салынды, - дейді полиция полковнигі.
Басқармадағылар "Діни қызмет және діни бірлестіктер туралы" ҚР Заңының 9-бабының 2-тармағына сәйкес, діни мазмұндағы әдебиеттер тек діни ғимараттарда, діни ұйымдарда, сондай-ақ облыстық, қалалық жергілікті атқарушы органдар рұқсат берген жерлерде сатуға, таратуға және сақтауға болатынын, ал теміржол және әуе көлігі объектілерінде оған қатаң тыйым салынғанын еске салады.
