Алматының Абай даңғылында үш автобус соғысып қалды

7 жолаушы зардап шекті.

Алматыда үш автобустың қатысуымен жол-көлік оқиғасы болды, деп хабарлайды zakon.kz.

Куәгерлердің сөзінше, 120 бағытындағы автобус Абай даңғылымен батыс бағытта арнайы жолақпен келе жатқанда, артынан келіп 57-ші автобус соқты. 57-ші автобус онымен қоймай, ортадағы жолақпен келе жатқан 98-ші бағыттағы автобусты да айнасымен қағып кеткен.

Жол апатынан 57-ші автобуста болған 7 жолаушы зардап шекті.

Оқиғаның мән-жайы анықталуда.