Алматыда тепловоз жеңіл көлікті қақты
zakon.kz
Жол-көлік оқиғасы Сүйінбай даңғылы мен Іле трассасы аралығындағы теміржол өткелінде (70-ші разъезд) орын алды, деп хабарлайды zakon.kz.
Шығыс бағытта келе жатқан Toyota Camry теміржол өткелінің үстіне шыққан. Сол кезде оның бір бүйірінен тепловоз келіп соғады.
Toyota Camry ұшып барып, жол жиегіндегі кедергіге соғылды.
Осыдан кейін көлік жолдан шығып, теміржол рельсінде қалып кетті.
Апат салдарынан көліктегі жолаушы зардап шекті. Ол ауруханаға жатқызылды.
Toyota жүргізушісі теміржолға жақындағанда шлагбаумның ашық тұрғанын, ескерту беретін автоматика құрылғысы ешқандай дыбыс бермегенін айтады.
Барлық жайт апат болған жерге жақын маңдағы "Сергек" камерасынан тексеруге уәде етілді.
Жол полициясы қызметкерлері апат орнында жұмыс істеді.
Істі қарау барысында 70-ші разъезд жолдары түгелдей жабылды.
