Қостанай облысында қап ішінен сүйектері табылған әйелдің өлімі бойынша істің беті ашылды
видеодан алынды
Полиция қызметкерлері алдында сотты болған 62 жастағы күдіктіні ұстады.
Қостанай облысының полициясы Белоглинка ауылындағы қараусыз үйді тазалау кезінде жылтыр қапшықтан табылған әйел мүрдесінің сүйегіне қатысты күдіктіні ұстады, деп хабарлайды zakon.kz.
Облыстық полиция департаментінің баспасөз қызметі хабарлағандай, 31 жастағы әйелді өлтірді деген күдікпен Қарабалық ауданының полиция бөлімінің қызметкерлері Белоглинка ауылының 62 жастағы тұрғынын ұстады.
Белоглинка ауылының тұрғыны 2014 жылдың қарашасынан бері хабар-ошарсыз жоғалып, оған іздеу жарияланған. Полицияға жоғалған қыздың әпкесі хабарласқан. Полиция аталған факт бойынша қылмыстық іс тіркеді. 2020 жылдың 26 сәуірінде Белоглинка ауылының тұрғыны учаскелік инспекторға қоңырау шалып, қараусыз қалған үйді тазалап жатқанда бөлмелердің бірінен әйел мүрдесі салынған қап табылғанын айтқан. Полиция қызметкерлері бұрын сотты болған 62 жастағы азаматты ұстады. Аталған факті бойынша ҚР Қылмыстық кодексінің 99-бабы "Адам өлтіру" бойынша сотқа дейінгі тергеу амалдары жүргізіліп, сараптама тағайындалды, деп хабарлады облыстық ПД баспасөз қызметі.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
