Арыстағы жарылыс: сотқа тартылғандар арасында әскери емес адам да жүр
armeniasputnik.am
ҚР Әскери соты Арыс қаласындағы жарылыс туралы іс бойынша сотталушылар туралы қысқаша ақпарат берді, деп хабарлайды zakon.kz.
Сонымен ҚР Қылмыстық іс жүргізу кодексінің 19-бабының 1-бөлігіне сәйкес, осы кодексте белгіленген және заңды күшіне енген сот үкімімен қылмыстық құқық бұзушылық жасағаны үшін кінәлі деп танылғанға дейін сотқа тартылғандардың барлығы кінәсіз деп саналады.
Кез келген қылмыстық істе, заңды негіздер болған жағдайда, сот іс жүргізуде ақтау немесе соттауды тоқтату туралы шешім шығаруға құқылы. Сот айыптаушының пікірімен байланысты емес және істі толық және жан-жақты қарастыруға бағытталған сот тергеуін жүргізуде. Сонымен қатар қоғамға сенімді ақпарат беру үшін біз Арыс қаласындағы жарылыстарға қатысты қылмыстық іс бойынша келесі жағдайлар туралы хабарлаймыз, делінген хабарламада.
16 сотқа тартылушы адамға айып тағылды:
- Нұр-Сұлтанда қызметін өтеген ҚР Қорғаныс министрлігінің 8 әскери қызметшісі;
- Түркістан облысының Арыс қаласына және Шымкентке бекітілген 7 әскери қызметші;
- 1 азамат - Шымкент қаласының тұрғыны.
Қылмыстық іс сотқа түскен кезде айыпталушылардың ешқайсысы қамауға алынбаған. Сотқа дейінгі органдар оларға алдын алу шараларының келесі түрлерін белгіледі:
1) 5 адамға қатысты үй қамауына алу;
2) кепілмен босату - 3 адам;
3) әскери қызметшіні әскери бөлім командирінің бақылауына қою - 2;
4) кетпеу туралы қолхат және тиісті жағымды мінезездеме - 6 адам.
11 маусымда прокурорлар айыптау қорытындысын жариялай бастады. Сонымен бірге айыпталушылар мен олардың қорғаушыларына прокурор қол қоймаған айыптау үкімі ұсынылды. Төрағалық етуші прокурорлардың қарсылығына қарамастан істі қарауды басқа күнге қалдырды, прокурорлардан қол қойылған айыптауды ұсыну үшін шаралар қабылдауды талап етті.
Айта кетсек, бір жыл бұрын, 24 маусымда Арыс қаласындағы әскери бөлімде оқ-дәрілер қоймасы жарылды. Жарылыстар бір күннен астам уақытқа созылып, халық жаппай эвакуацияланды. Төтенше жағдай салдарынан үш адам қайтыс болды: екі әскери қызметкер және жергілікті тұрғын. 11 қазанда Арыс маңындағы полигонда жиналған оқ-дәрілердің бөлшектерін жою бойынша жоспарланған жұмыстар кезінде әскери бөлімнің инженерлік қызметінің бастығы қаза тапты.
