Семейде Ертістің суына BMW түсіп кетті, бір кісі қаза тапты

Полицейлер біз бұл көліктің артынан қуған жоқпыз деп отыр.

7-ші шілдеге қараған түні Семейде кісі өлімімен аяқталған жол-көлік апаты орын алды, деп хабарлайды zakon.kz.

ШҚО Полиция департаменті баспасөз қызметінің ақпаратынша, көпір үстіне келе жатқан жүргізуші қоршауға соғылып, сосын Ертіс өзеніне құлап, батып кетті.

BMW жүргізушісі – 1987-ші жылғы жігіт қаза тапты, 1990 жылғы жолаушы әйелді куәгерлер құтқарып қалды.

Автокөлік судан шығарылды.

ШҚО Полиция департаменті көлік құралының артынан полицейлер қуған деген ақпаратты теріске шығарып отыр.

Тергеу жүріп жатыр.