Түркістан облысында заңсыз құм өндіру фактісінің жолы кесілді
![ТО ПД баспасөз қызметі, сурет - Zakon.kz жаңалық 14.08.2020 17:26](https://kaz.zakon.kz/pbi/WEBP/2023-12-20/file-574ee5e1-aa5b-4e71-988e-013d360b9faf/800x452.webp)
"Таза Қазақстан" жедел-профилактикалық іс-шарасы аясында Шардара АПБ-не жергілікті тұрғынның бірі Жаушықұм ауылында заңсыз құм қазып алып, тасымалдап жатқандығы туралы ақпарат келіп түскен, деп хабарлайды zakon.kz.
Хабарлама бойынша Шардара АПБ-нің ЖПҚБ-нің табиғатты қорғау тобының аға инспекторы полиция майоры Бекмұхаммед Теңгебаев оқиға орнына шықты. Тексеру барысында 3 жергілікті тұрғын "КамАЗ" жүк көлігіне шамамен 8 куб шағыл құм артып келе жатқан жерінен ұсталды.
Тәртіп сақшылары тәртіп бұзушыларға құмды қазып алынған жеріне қайта төктіріп, жүк көлігін тәркілеп, айыптұрағына қойды. Жинақталған іс-құжаттары заңды шешім қабылдап, тұрғынның қоршаған ортаға келтірілген залалын бағалау үшін Түркістан облысы экология департаментіне жолданды. Жалпы, Шардара АПБ-нің қызметкерлерімен жыл басынан бері осындай заңсыз құм қазып алып, тасымалдауға байланысты 8 жайт тіркеліп, құжаттары тиісті органға жіберілген.
Өз кезегінде Түркістан облысының полицейлері азаматтарды табиғат қорғау заңнамасын сақтауға және табиғатты қорғауға шақырады.