Таразда дөнер дүңгіршегінде жұмыс істейтін қызды белгісіз біреулер алып қашқан

Жігіт қызды үйлену мақсатында алып қашқан.

Таразда дөнер сататын дүңгіршекте жұмыс істейтін қызды белгісіз біреулер алып қашқан, деп хабарлайды zakon.kz.

Полицияның хабарлауынша, 21 тамызда сағат 00.30-да кезекші бөлімге аспазшы болып жұмыс істейтін 20 жастағы қызды облыс орталығындағы кафелердің бірінен ұрлап әкеткені туралы хабарлама келіп түскен.

Жедел-іздестіру іс-шараларының барысында полиция қызметкерлері танымайтын қызды үйлену мақсатында оның келісімінсіз ұрлап әкеткен 23 жастағы Талас ауданының тұрғынын анықтап, ұстады.

Аталған фактіге қатысты ҚР Қылмыстық кодексінің 125-бабы, 2-бөлімі бойынша сотқа дейінгі тергеу басталды. Енді бақытсыз күйеу жігіт төрт жылдан жеті жылға дейінгі мерзімге бас бостандығынан айырылуы мүмкін.