Ұшақта темекі шеккен Украина азаматына 50 АЕК айыппұл салынды
inform.kz
17 қаңтарда "Эйр Астана" әуекомпаниясының өкілдерімен Алматы қаласының әуежайындағы Желілік полиция бөлімінің қызметкерлеріне "Киев-Алматы" бағытындағы әуе рейсі ұшып келгеннен кейін акт бойынша құқықбұзушы берілді, деп хабарлайды zakon.kz Көліктегі полиция департаментінің баспасөз қызметіне сілтеме жасап.
Тексеру барысында көлік полицейлері 33 жастағы Украина азаматын анықтады. Ер адам жоғарыда аталған ұшақтың бортында электронды темекі шегіп, ұшу қауіпсіздігі ережелерін бұзған.
Полиция қызметкерлері құқықбұзушыға қатысты ҚР ӘҚБтК-нің 441-бабының 1-2-бөлігі, яғни, әуе кемесінің бортында темекі бұйымдарын, оның ішінде қыздырылатын темекісі бар бұйымдарды, қорқорға арналған темекіні, қорқор қоспасын, темекі қыздыруға арналған жүйелерді, тұтынудың электрондық жүйелерін және оларға арналған сұйықтықтарды тұтыну бойынша әкімшілік хаттама толтырып, оған 50 АЕК мөлшерінде айыппұл салды.
Өткен жылы еліміздің көлік полицейлерімен әуе кемесіндегі түрлі құқық бұзушылықтар жасағандары үшін 394 азамат, оның ішінде 34 шетелдіктер (Канада, Түркия, РФ және т. б.) әкімшілік жауапкершілікке тартылған.
Әкімшілік құқықбұзушылық үшін салынған айыппұлдардың жалпы сомасы 93 млн теңгеден асты.
