Павлодарда "антисептик" ішкен үш қыздың бірі қайтыс болды

24tv.ua

Белгілі болғандай, Жаңа жылдың бірінші күнінің кешінде үшеуі 2,5 стаканнан зарарсыздандырушы сұйықтықты сумен араластырып ішкен.

Павлодарда зарарсыздандыру сұйықтығына (антисептик) уланған қыз қайтыс болды, деп хабарлайды zakon.kz.

Павлодар облысы денсаулық сақтау басқармасы баспасөз хатшысының айтуынша, 2003 жылы туған қыз 2 қаңтарда сағат 18.30-да ауруханаға ес-түссіз күйде жеткізілген. Оған: "Белгісіз заттың уытты әсері. Церебральды ісіну" диагнозы қойылды.

Сағат 20.00-де қыздың жүрегі тоқтап қалды. Жарты сағат бойы қабылданған реанимациялық шаралар өз нәтижесін бермеді, - деп атап өтті Эльмира Темірғалиева.

Сол күні кешкі сағат 21.40-та ауруханаға орташа ауырлық дәрежесіндегі "Бөтен заттан улану" диагнозымен 2004 жылы туылған екі қыз жеткізілді.

Науқастар ауруханадан 14 қаңтарда шығарылды. Денсаулық жағдайы бұзылмаған, тәбеті жақсы, белсенді, - деп толықтырды ауруханадағылар.

Түнде қыздарға ештеңе болмаған. Бірақ таңертең жүректері айнып, қайта-қайта құса берген. Медицина қызметкерлері мен тәрбиеші бұл оқиға туралы білмеген, - дейді денсаулық сақтау басқармасындағылар.

Оқи отырыңыз