Сарқанда ұрлық жасаған жігіт Алматыда ұсталды
Pixabay
Ұрлық жасағаны үшін жауапкершіліктен жалтарған айыпталушыны полицейлер Алматы қаласынан ұстады.
Сарқан қаласының 30 жастағы тұрғыны 2020 жылдың соңында екі ұрлық дерегін жасап, тұрғындарға материалдық шығын әкелген. Қос қылмысты әшкерелеген тәртіп сақшылары күдіктіні ұстап, сотқа дейінгі тергеу барысында оның қылмыстарға қатысы барын дәлелдеген, деп хабарлайды zakon.kz Алматы облысы ПД баспасөз қызметіне сілтеме жасап.
Полицейлердің ақпараты бойынша күдікті өз кінәсін толығымен мойындаған және сотқа дейінгі тергеу кезінде ол мекенжайын өзгертпеу туралы міндеттемемен босатылған. Іс материалдары сот қарауына жолданған кезде, айыпталушы жауапкершіліктен жалтарып, бой тасалап, қашып кеткен.
Сот шешімімен оған іздеу жариялданды. Оның мекенжайын анықтау шаралары барысында 1990 жылы туған жігіт Алматы қаласынан ұсталып, ауданға жеткізілді. Енді ол ұрлық жасағаны үшін жауапкершілікке тартылады. Ұсталушы уақытша ұстау изоляторына қамаққа алынды, деді Сарқан АПБ бастығының орынбасары полиция майоры Алмас Сыдықов.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
