Алматы облысында бір түнде үш отбасы далада қалды

Қаза болғандар мен зардап шеккендер жоқ.

Алматы облысындағы Қопа ауылында түнде су тасқыны болды, деп хабарлайды zakon.kz.

КТК телеарнасы ұсынған видеодан көрініп тұрғандай, қызыл су үйдің іші-сыртын басып қалған. Күннің күрт жылынуының салдарынан қалың қар кенет еріп, ауыл шетіндегі үйлерге қар суы жеткен. Құтқарушылар арық қазып, аулаларды судан тазартып жатыр. Тұрғындар да аман-есен өз үйіне оралды. Үш отбасы далада қалды. Су шайған үй тұруға жарамсыз.

Азамат Жұртбаев, Алматы облысы ТЖД ресми өкілі:

- Еріген судың төгілу қаупі жойылды. Қаза болғандар мен зардап шеккендер жоқ.