Маңғыстау облыстық Денсаулық сақтау басқармасының экс-басшысы 3,5 жылға сотталды
askeri.sud.kz
Ақтау қалалық соты қызмет бабын асыра пайдаланды деп айыпталған Маңғыстау облысы денсаулық сақтау басқармасының бұрынғы бастығы Жамал Жаманбаеваға қатысты қылмыстық іс бойынша сот үкімін жариялады, деп хабарлайды zakon.kz.
Сот анықтағандай, Жаманбаева Маңғыстау облысының денсаулық сақтау басқармасының басшысы бола отырып, белгіленген қызметтік міндеттер мен шектеулерге қайшы әрекет ете отырып, 2020 жылдың тамызында "Сentropharm" ЖШС-мен бір жерден Ковид-19 инфекциясының республика аумағында таралуына байланысты 222 000 000 теңге сомасындағы 6 жылжымалы рентген аппаратын сатып алу туралы келісім жасасты.
Жабдықтады сатып алу үшін 2020 жылдың бюджеттік жоспарына бюджеттік өтінім жолданды, онда нарықтық құннан жоғары баға көрсетілген. Бір сөзбен айтқанда, облыстық мәслихаттан медициналық техниканы сатып алуға қаражат бөлу сұралды, нәтижесінде қалалық мәслихаттың шешімі бойынша ол қаражат бөлінді.
Алайда, мемлекеттік мекемелерді материалдық-техникалық қамтамасыз ету талаптарына сәйкес, бұл арада облыстық қазынашылық департаментінің келісімі тіркеуден өтпей қалады. Осыдан кейін Ж.Жаманбаева ведомствосына бағынышты медициналық мекемелер арқылы сатып алу мақсатында аудандық емханалардың директорларымен жылжымалы рентген аппараттарын сатып алу үшін "Сentropharm" ЖШС-мен келісім жасасуды талап етеді, деп хабарлады сот.
Нәтижесінде Жаманбаева бағасын көтермелеп, жабдықтарды сатып алу арқылы мемлекетке 29 540 000 теңге залал келтірді.
Сотқа дейінгі тергеу барысында ол кінәсін мойындады, келтірілген зиянның орны толтырылды, соған байланысты кінәсін мойындау туралы процессуалдық келісім жасалды. Басты сот талқылауында сотталушы өз кінәсін мойындады, қылмыстық іс материалдары негізінде жиналған дәлелдемелердің маңыздылығы мен рұқсат етілуіне қатысты дау тудырмады, деп атап өтті сот.
Жаза тағайындау кезінде сот сотталушының кәмелетке толмаған балалары барын, оның жақсы жақтарын, бұрын қылмыстық жауапкершілікке тартылмауы және жазасын жеңілдететін басқа да мән-жайлар ескерілді. Сот жазаны ауырлататын мән-жайларды анықтаған жоқ.
Сот үкімімен Жамал Жаманбаеваны ҚР Қылмыстық кодексінің 361-бабы 4-бөлігінің 3-тармағы бойынша 3 жыл 6 айға бас бостандығын шектеу жазасын тағайындай отырып, кінәлі деп таныды. Мемлекеттік қызметте, судьяда, жергілікті атқарушы органдарда, Ұлттық банкте және оның құрылымдық бөлімшелерінде, қаржы нарығын және қаржы ұйымдарын, мемлекеттік ұйымдар мен квазимемлекеттік сектор субъектілерін реттеу, бақылау және қадағалау жөніндегі уәкілетті органда лауазымды қызмет атқару құқығынан өмір бойына айырды.
Сот үкімі заңды күшіне енген жоқ.
Жамал Жаманбаева Маңғыстау облысының денсаулық сақтау басқармасының бастығы болып 2020 жылдың мамыр айында тағайындалды. Бұған дейін ол көптеген жылдар бойы Маңғыстау облыстық перинаталдық орталығын басқарды. Оның қамауға алынғаны туралы ақпарат 2021 жылы 4 ақпанда белгілі болды.
