Шымкент-Алматы әуе-рейсінде бала көз жұмды

inform.kz

Ұшақ көтерілгеннен кейін 10 минуттай уақыт өткен соң бала тыпырлап, тұншыға бастаған.

9 шілдеде "Эйр Астана" әуекомпаниясының Шымкент-Алматы бағыты бойынша KS 972 ұшағы көкке көтерілген соң оқыс оқиға орын алды, деп хабарлайды zakon.kz.

Аяла Қонақбаева KS 972 рейсінің жолаушысы болған. Оның айтуынша, бала лейкемияға шалдыққан, оған жұлын трансплантациясы жасалған.

Олар емделу үшін сапарға шыққан көрінеді. Ұшақ көтерілгеннен кейін 10 минуттай уақыт өткен соң бала тыпырлап, тұншыға бастаған. Стюардесса оған оттегі маскасын кигізіп, тыныштандыруға тырысты. Содан мен: "Жігіттер, оның қолдары көгеріп барады, оның қан қысымын өлшеп, кері оралу керек" дедім.

"Эйр Астана" әуе компаниясының баспасөз қызметі zakon.kz редакциясына берген түсініктемесінде баланың ұшу кезінде өзін жаман сезінгенін айтты. Экипаж оны оттегі баллонына қосқан, бала онымен 30 минут бойына тыныстаған. Ұшақ төмендегенде жолаушы есінен танып қалған. Экипаж оған әуе кемесі қонғанға дейін және қонғаннан соң жүрек-өкпе реанимациясын жасады және дефибриллятор қолданды.

Әуежайда баланы дәрігерлерге тапсырды, бірақ, өкінішке орай, оны құтқару мүмкін болмады. "Эйр Астана" бүлдіршіннің отбасы мен достарының қайғыларына ортақтасып көңіл айтады.

Оқи отырыңыз