Кәсіпкерлердің құқығын бұзған "Қазфосфатқа" 4,6 млн теңге айыппұл салынды

Жамбыл облыстық Көлік прокуратурасы кірме теміржол желілерін пайдалану тарифінің өсуіне алып келген "Қазфосфат" ЖШС-ның шығындарын 180 миллион теңгеге негізсіз асыра көрсеткенін анықтады, деп хабарлайды zakon.kz.

Монополистің осындай жөн-жосықсыз әрекеті салдарынан 3 мыңнан астам кәсіпкер теміржолдағы әр вагоны үшін қажетті 308 теңгенің орнына 500 теңгеден астам ақы төлеуге мәжбүр болды, деп хабарлайды ҚР Бас көлік прокуратурасының баспасөз қызметі.

Прокуратураның қадағалау актісіне сәйкес, Табиғи монополияларды реттеу комитетінің Жамбыл облысы бойынша департаменті кәсіпкерлердің артық төлеген ақшаларын өтеу үшін 308,34 теңге көлемінде уақытша өтемдік тариф енгізді.

Монополияға қарсы заңнаманы бұзғаны үшін "Қазфосфат" ЖШС-ға 4,6 млн теңге көлемінде әкімшілік айыппұл салынды, деп хабарлады құзырлы ведомства.

Осындай фактілер, яғни уәкілетті органның бекітуінсіз тариф белгілеп алған қызмет көрсету саласындағы тағы екі монополисттің қызметінен анықталды.

Прокуратураның араласуынан кейін кәсіпкерлердің бұзылған құқықтары қалпына келтірілді, - дейді баспасөз қызметі.

Оқи отырыңыз

СҚО-да полицейлер жалға берілген пәтерден мас күйдегі жасөспірімдерді анықтады

15:24, 26 қараша 2024

Жыл басынан бері Павлодар облысында 1331 мас жүргізуші ұсталды

13:09, 26 қараша 2024

Оралда Шаған өзеніне секіріп кеткен бойжеткен құтқарылды

19:22, 25 қараша 2024