Жаңалықтар тізбегі
0

Қарттар үйінен түсірілген суреттер желіге тарап, шұғыл комиссия құрылды

видеодан алынды видеодан алынды
Мына суреттер қазір әлеуметтік желілерде кеңінен тарап кетті. Шынысы ұшқан кесе, ортасы ойылған орындық тағысын тағы...

Павлодар облысындағы қарттар үйінен түсірілген суреттер желіде жаппай тарап, ақырында комиссия құрылды, деп хабарлайды zakon.kz Астана телеарнасына сілтеме жасап.

Әлдекімдер орталықта тазалық сақталмайтынын және ондағы мүгедек кісілерге күтім жасалмайтынын әлеуметтік желіде жариялады. Тіпті қарттардың киімінен бүрге табылғанын, асханадағы ыдыс-аяқтарының сау тамтығы жоқ екенін фото суреттермен дәлелдеген. 160 адам тұратын мекемеде түнгі кезекшілікке екі-ақ санитар қалатыны, олардың мүгедектерге қызмет көрсетуге үлгірмейтіні де айтылған. Автордың өзі де осы мекемеде жұмыс істейтіндіктен есімін жариялауға жүрексінетінін ашық жеткізіпті. Осыдан кейін өңір атқамінерлері дереу комиссия құрып, мекемеде қызметтік тексеру бастады.

Гүлнәр КАМАЛОВА, ОБЛЫСТЫҚ ӘЛЕУМЕТТІК БАҒДАРЛАМАЛАРДЫ ҮЙЛЕСТІРУ ЖӘНЕ ЖҰМЫСПЕН ҚАМТУ БАСҚАРМАСЫ БАСШЫСЫНЫҢ ОРЫНБАСАРЫ:

Біздің басқарма тарапынан комиссия құрылды. Оған тәуелсіз мекемелерден қызметкерлерді тарттық. Айналасы екі күннің ішінде нәтижесін жариялаймыз. Бұл мекемеде жақында директор ауысқан. Мәселенің бір шеті содан да болуы мүмкін. Негізі бұл жерде қарт адамдар мен мүгедек жандардың тағдыры тұр. Сондықтан тексеру барынша ашық түрде жүргізіледі.

Мына суреттер қазір әлеуметтік желілерде кеңінен тарап кетті. Шынысы ұшқан кесе, ортасы ойылған орындық тағысын тағы. Бірақ, қарттар үйіне барғанымызда көзге оғаш көрінетін ештеңе байқамадық. Біздің келерімізді білді ме, жоқ па? Әйтеуір, барлығы тиянақты. Тіпті, қызмет алушылардың өздері мекемені жамандауға аузымыз бармайды, - дейді.

Надежда ҚАРТТАР, ҮЙІНІҢ ТҰРҒЫНЫ:

Мен осында келгелі 50 жылға жақындады. Көп нәрсе өзгерді. Басшылық ауысқаны ештеңе емес. Барлығы жақсы жағына өзгеріп жатыр. Санитарлық талаптар сақталмайды, бүрге талап, киімдер ауыстырылмайды дегенді кім шығарғанын, білмеймін.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз