Алматы облысында төрт жігіт қыз зорлады деп күдіктелуде

zakon.kz

Кей мәліметтер бойынша, жәбірленуші небәрі 14 жаста.

Алматы облысында төрт жігіт қыз зорлады деп күдіктелуде. Олардың үшеуі Текелі қаласының тұрғыны, деп хабарлайды zakon.kz Астана телеарнасына сілтеме жасап.

Олардың ұсталғаны туралы ақпарат әлеуметтік желілерде пайда болды.

Кей мәліметтер бойынша, жәбірленуші небәрі 14 жаста.

Жедел іздестіру шаралары барысында 4 күдікті анықталды. Олардың үшеуі 17 жаста, біреуі 18 жаста.

Полиция күдіктілердің ұсталғаны туралы ақпаратты растады. Жігіттер қыздың әкесінің өтінішінен кейін бірден қолға түсті.

Қазір тергеу жүргізілуде. Егер олардың қылмысы дәлелденсе, жас жігіттер 15 жылға дейін бас бостандығынан айырылуы мүмкін.

Ақбота Қуанышбекқызы, Алматы облысы ПД ресми өкілі:

Қазіргі уақытта ҚР ҚК 120 бабының 3-бөлігіне сәйкес қылмыстық іс қозғалды. Сотқа дейінгі тергеу жүргізілуде. Бірқатар сараптамалар тағайындалды. Күдіктілер уақытша ұстау изоляторына қамалды.

Оқи отырыңыз