Із-түссіз жоғалған азаматтың денесі орманнан табылды

Сүңгуірлер облыс аумағындағы су қоймаларын да тексеріп шыққан.

Ақмола облысында жоғалған ер адамның өлі денесі табылды, деп хабарлайды zakon.kz.

9 қазанда Шортанды мен Дамса ауылдары арасындағы ормандардан іздестіру шаралары кезінде 42 жастағы ер адамның мәйіті табылды.

Марқұмның денесі Нұр-Сұлтан мәйітханасына жіберілді. Сараптама тағайындалды. Қазір тергеу жүріп жатыр.

7 қазанда полицияға Шортанды ауылының 42 жастағы тұрғынының жұбайы, 1974 жылы туған Бимурзенов Сағындық Қасанаұлына іздеу салу үшін арыз берген. Ер адам 6 қазанда сағат 14:00 шамасында көк түсті "Урал" маркалы велосипедімен үйден шығып, қайта оралмаған.

Жоғалған адамдарды іздеуге облыстық полиция департаменті мен Шортанды ауданының өрт сөндіру бөлімінің барлық жеке құрамы жұмылдырылды, - деп хабарлады Ақмола облысы ПД баспасөз қызметі.

Іздестіру шараларына еріктілер де қатысты. Сүңгуірлер облыс аумағындағы су қоймаларын тексеріп шыққан.

Жайна Тәттімбетова