Lexus мінген астаналық 350 мың долларым ұрланды деп зар қақты

pixabay

Lexus автокөлігінің артқы терезесін сындыру арқылы салоннан ірі сомадағы ақша салынған сөмке ұрланғанын айтты.

Нұр-Сұлтан тұрғыны қарызын төлемеу үшін 350 мың долларының ұрлығын қолдан ұйымдастырды, деп хабарлайды Zakon.kz.

42 жастағы ер адам полицияға хабарласып, Lexus автокөлігінің артқы терезесін сындыру арқылы салоннан ірі сомадағы ақша салынған сөмке ұрланғанын айтты.

Оның айтуынша, сөмкеде 350 мың АҚШ доллары болған.

Куәгерлер қылмыс жасалған жер түсірілген бейнежазбаны ұсынды, онда белгісіз ер адамның сөмкены алып бара жатқанын көруге болады. Жедел-іздестіру іс-шараларын жүргізу барысында қылмыс туралы мәлімдеген ер адамның өзі автокөлік салонынан ұрлық жасағаны анықталды, делінген Нұр-Сұлтан ПД баспасөз қызметінің хабарламасында.

Мұндай қадамға астаналықты өзінің танысынан алған үлкен қарызы итермелеген екен. Ақшаны қайтарудан жалтару үшін ол қылмыстық жоспар құрып, бір танысын ұрлықты орындаушы болуға көндірген.

Бақытжан Отарбаева

Оқи отырыңыз