Алматыда автобус төбесінен отшашу атқандар ұсталды

Автобус төбесінде отшашу атқан бұзақылар ұсталды. Бұл туралы Алматы Полиция басқармасы мәлімдеді, деп хабарлайды Zakon.kz.

Бостандық аудандық Полиция басқармасының мәліметінше, бұзақылық әрекетке қатысушылар анықталып, ұсталды.

Олар – төртеу. Әрқайсысы рөлді бөліп алған. Бірі автобус жүргізушісін назарын бұру мақсатында алаңдатты, екіншісі – камераға түсіретін оператор, тағы екеуі қоғамдық көліктің төбесіне шығып, отшашу атты. Олардың арасында кәмелетке толмаған балалар бар. Қазіргі уақытта аталған факті бойынша ҚР ҚК 293-бабы бойынша қылмыстық іс тергелуде. Бұдан басқа, бұзақылардың әрекеттерінде ҚР ӘҚБтК-нің 436-бабында көзделген құқық бұзушылық белгілері байқалған, - деп жазды Бостандық ауданы ПБ бастығы Думан Аухадиев.

Ол тергеу барысында автобус жолаушыларына қауіп төндірген жастардың мінез-құлқының шынайы мотиві анықталатынын атап өтті.

Бұзақылыққа қатысушылардың бірі автобустың төбесінен секіріп, басынан жарақат алды, дейді Алматы ПБ баспасөз қызметі.

Бақытжан Отарбаева

Оқи отырыңыз

Атырауда полициейлер өрт шыққан үйден 50-ге жуық адамды эвакуациялады

22:46, 04 мамыр 2024

БҚО-дағы уақытша пункттерде 2300-ден аса адам бар: зардап шеккендер дәрігерлер бақылауында

21:47, 04 мамыр 2024

Дөнерханадағы өрт: елордалық келіншек ауруханаға жеткізілді

21:40, 04 мамыр 2024