Алматыда қалалық прокуратураның ғимараты отқа оранды

Сурет: gov.kz

Алматы әкімдігінен кейін қалалық прокуратура ғимаратынан да өрт шықты, деп хабарлайды Zakon.kz

Бас көтерушілер Алматы прокуратурасының ғимаратын өртегені белгілі болды.

Мародерлар қоғамдық тамақтану орындары мен дүңгіршектерді тонап жатыр. Куәгерлер қалада атыс болып жатқанын айтуда.

Бүгін таңертең Қасым-Жомарт Тоқаев үкіметтің отставкасын қабылдады. Премьер-министр міндетін уақытша атқару Әлихан Смайыловқа жүктелді.

Одан соң Мемлекет басшысы Қазақстандағы әлеуметтік-экономикалық ахуал мәселелері жөнінде кеңес өткізді, оның барысында сұйытылған газ бағасының көтерілуіне байланысты наразылық ахуалына жол берген кінәлілердің аттары аталды, сондай-ақ әлеуметтік-экономикалық жағдайды тұрақтандыру жөнінде бірқатар қосымша тапсырмалар берілді.

Сондай-ақ, Алматы облысында ТЖ режимі енгізілді.

Оқи отырыңыз