Алматыда үш қабатты әкімшілік ғимарат отқа оранды

27 қаңтарда сағат 22-01-де Алматы қаласының өрт сөндірушілері Әуезов көшесі бойындағы үш қабатты әкімшілік ғимараттағы өртті сөндіруге аттанды, деп хабарлайды Zakon.kz.

Қызыл жалын иектеген аумақтың көлемі әлі белгісіз. Оқиға орнында құтқарушылар жоғары дәрежедегі дабыл белгісі бойынша жұмыс істеуде.

"Зардап шеккендер туралы ақпарат 112-ге түскен жоқ. Оқиғаның мән-жайы анықталуда", делінген хабарламада.

ТЖМ күштері шақыру түскен сәттен бастап 24 минут ішінде, яғни 22-33-те өртті оқшаулау мүмкін болғанын нақтылады. Сәйкесінше, өрттің жақын маңдағы ғимараттарға таралуына жол берілмеді.

Бұған дейін Ақтауда көпқабатты тұрғын үйлердің бірінен өрт шыққаны хабарланған.