Ауа райының қолайсыздығына байланысты Қарағанды облысында тас жолдар жабылды

Бірқатар өңірде боран соғып, қар жауып, көктайғақ болады деп күтіледі, деп хабарлайды Zakon.kz

Облыстық ТЖД баспасөз қызметінің хабарлауынша, ауа райының қолайсыздығына байланысты 15 қаңтарда сағат 09:30-дан бастап мынандай республикалық автожол учаскелерінде көліктің барлық түрлері үшін қозғалыс шектелді:

• Қызылорда - Павлодар, Топар кенті учаскесі - Жезқазған қаласы, 906-433 шақырымында;

• Екатеринбург - Алматы, ақылы жол учаскесі - Теміртау қаласы, 1426-1446 шақырымында;

• Қарағанды - Аягөз - Бұғаз, Қарағанды қаласындағы жол учаскесі - Қарқаралы қаласы, 17-217 шақырымында;

• Екатеринбург - Алматы, Нұр-Сұлтан қаласындағы жол учаскесі - Теміртау қаласы, 1291-1426 шақырымында;

• Екатеринбург - Алматы, Жұмабек кенті учаскесі - Балқаш қаласы, 1505-1847 шақырымында;

• Қызылорда - Павлодар, Қарағанды қаласындағы жол учаскесі - Павлодар облысының шекарасына дейін, 967-1135 шақырымында.