Қазақстаннан 15 млн рубльді заңсыз алып шықпақ болғандар тұтылды

Ұлттық қауіпсіздік комитетінің баспасөз қызметі "Жаңа Жол" көліктерді өткізу бекетінен өтпек болған кезде заңсыз ақша анықталып, тәркіленгенін жеткізді, деп хабарлайды Zakon.kz.

Аталған факті 28 наурызда Солтүстік Қазақстан облысында орын алды. Шекарашылар 15 миллионнан астам Ресей рублін (шамамен 80 млн теңге) елден заңсыз алып шығару әрекетінің жолын кесті.

ҚР ҰҚК Шекара қызметі шетелге шығу кезінде құқық бұзушылыққа жол бермес үшін ҚР Қаржы заңнамасында қарастырылған талаптарды сақтау қажеттігін еске салады.