Алматы әуежайында жалаңаш жүрген ер адам ұсталды

Алматы, Көліктегі полиция департаменті, әуежай, қоғамдық тәртіп, сурет - Zakon.kz жаңалық 06.04.2022 10:07

Сурет: Zakon.kz/Максим Золотухин

Көліктегі полицейлер Алматы әуежайында жалаңаш ер адамды ұстады. Медициналық сараптама оның қызу болғанын анықтады, деп хабарлайды Zakon.kz.

Тексеру кезінде бұл ер адамның 6 сәуір күні сағат 00:10-да тыр жалаңаш шешініп, Алматы әуежайының ұшып келу терминалының қоршауына өрмелеп шығып, ұшып-қону жолағына қарай жүгіргені белгілі болды. Оны сол жерде Авиациялық қауіпсіздік қызметінің қызметкерлері ұстады. Көліктегі полиция департаментінің баспасөз қызметі

Көліктегі полиция департаментінің хабарлауынша, қамауға алу кезінде ер адам дөрекілік танытқан.

Оған қатысты бірден үш бап бойынша әкімшілік хаттама толтырылды: Қазақстан Республикасының Әкімшілік құқық бұзушылық туралы кодексінің 440-бабы («Алкогольдік ішімдіктерді iшу немесе қоғамдық орындарға масаң күйде келу»), 434-бабы («Ұсақ бұзақылық») және 564-бабы («Әуежайлардың, аэродромдардың аумағында тиісті рұқсатсыз жүру»). Көліктегі полиция департаменті

Әкімшілік материалдар сотқа жолданды.

Оқи отырыңыз