Балқашта жүк пойызы әйелді қағып кетті

Балқашта егде тартқан әйелді жүк пойызы қағып кетті. Әйел жан тәсілім етті. Қазір қайғылы жағдайдың мән-жайы анықталып жатыр, деп хабарлайды Zakon.kz.

Көліктегі полиция басқармасының баспасөз қызметі сотқа дейінгі тергеу басталғанын мәлімдеді.

Осы жағдай бойынша Қарағанды-Сортировочная стансасының желілік полиция бөлімшесінде Қазақстан Республикасы Қылмыстық кодексінің 344-бабының 2-бөлігі (Жол қозғалысы немесе темір жол көлігін пайдалану қауіпсіздігі қағидаларын бұзу) бойынша сотқа дейінгі тергеу басталды. Қазіргі уақытта іс бойынша қажетті тергеу амалдары жүргізілуде, – деді баспасөз қызметі.

Ведомство басқа ақпарат тергеу мүддесіне сай жария етілмейтінін мәлімдеді.