БҚО-да қаңғырған иттер 48 малды талап тастады

Батыс Қазақстан облысы, бұралқы ит, қаңғырған ит, сурет - Zakon.kz жаңалық 28.04.2022 10:47

Фото: unsplash

Бұралқы иттер малға 26 сәуірге қараған түннен бастап шабуылдай бастаған. БҚО полициясы оқиғаның Сырым ауданы Жымпиты ауылында болғанын мәлімдеді, деп хабарлайды Zakon.kz.

Қаңғырған иттер 23 қой мен 25 қозыны өлтірген. Әкімшілік хаттама толтырылды. Аудандық ветеринарлық стансаға қаңғыбас иттер мен мысықтарды аулап, жою жөнінде ұйғарым жіберілді, деп жазды «Мой Город».

Сырым ауданының әкімі Төлеген Төреғалиев ауыл тұрғыны телефон соғып, иттер тағы да малына шабуылдағанын хабарлағанын атап өтті.

Екі ит пен екі күшік оның шөп қорасына келген. Олар өте жабайы, түнде ғана жүреді. Иттердің көзін жоюға тура келді. Жымпиты тұрғындары арызданып жатыр, ондай жануарлардың құртуға мәжбүрміз. Сырым ауданының әкімі Төлеген Төреғалиев

Оның айтуынша, иттер де микрочиптеу үшін ветеринарлық стансаға жеткізіледі. Жыл басынан бері бұл процедура 360 итке жасалған. Аудан басшысы қаңғырған иттерді кеңестік кезеңдегідей жою керек деп есептейді.

Басқа амал жоқ. Оны заңдастыру керек. Сонда адамдар итін көшеге шығармас бұрын, әсіресе асыл тұқымды ит ұстайтындар, жақсылап ойланатын болады. Олар көшеде қаңғырып жүрген иттің көзі жойылатынын біліп жүреді.Төлеген Төреғалиев

Оқи отырыңыз