Шымкент ПД баспасөз хатшысының өз-өзіне қол жұмсау фактісі тексеріліп жатыр

Сыбайлас жемқорлыққа қарсы іс-қимыл агенттігі Шымкент қалалық полиция департаментінің баспасөз хатшысы Мөлдір Бекееваның өз-өзіне қол жұмсау фактісін тексеріп жатыр, деп хабарлайды Zakon.kz.

Бұл туралы ақпарат ведомствоның Telegram-арнасында жарияланды.

 

Шымкент қаласы бойынша сыбайлас жемқорлыққа қарсы қызмет Шымкент қаласы полиция департаментінің баспасөз хатшысы М. Бекееваның өзін-өзі өлтіруге оқталу фактісі бойынша (ҚК 105-бабы 1-бөлігі) сотқа дейінгі тергеу жүргізіп жатыр, – делінген хабарламада.

Агенттік ҚПК-нің 201-бабына сәйкес өзге ақпарат жарияланбайтынын мәлімдеді.