Нұр-Сұлтанда құрылыс нысаны аумағынан шыққан қара түтін халықтың зәресін алды

Елордада құрылыс нысанынан өрт шықты. Бұл туралы Нұр-Сұлтан қаласы төтенше жағдайлар департаменті мәлім етті, деп хабарлайды Zakon.kz.

Елорда тұрғындарын шошытқан қара түтіннің видеосы Telegram арналарының бірінде жарияланды.

Алдын ала мәлімет бойынша, түтін Нұр-Сұлтан қаласындағы Ақкемер көшесі, 31/1, мекенжайынан шыққан. Төтенше жағдайлар департаментінің қызметкерлері өрт шыққан маңға 15:19-да жетті.

Өрт сөндірушілер келген кезде құрылыс нысанының шамамен 40-50 шаршы метр болатын ашық аумағында құрылыс материалы (пеноплекс) жанып жатқаны анықтылды. Өрт сағат 15:34-те жойылды. Нұр-Сұлтан қаласы төтенше жағдайлар департаментінің баспасөз қызметі

Ведомствоның хабарлауынша, қайтыс болғандар мен зардап шеккендер жоқ.