Оқ-дәрілер мен гранаталар: ҰҚК тәркіленген қарулар туралы мәлімдеме жасады
Сурет: ҚР ҰҚК баспасөз қызметі
Ведомствоның мәлімдеуінше, Алматы облысында «Байкал» тапаншасы, 2 мылтық, 10 граната және әр-түрлі калибрлі 104 оқ жасырылған орын табылды.
Сурет: ҚР ҰҚК баспасөз қызметі
Жаппай тәртіпсіздікке қатысушылардан 3 бірлік қару мен 109 оқ-дәрі тәркіленді.
Аймақтың қылмыстық өкілі «Макаров» тапаншасын сату кезінде ұсталды. Оның тұрғылықты жері бойынша «қаңтар оқиғасы» кезінде Талдықорған қалалық полиция басқармасынан ұрланған тағы бір тапанша тәркіленді.ҚР ҰҚК баспасөз қызметі
Алматы қаласында жаппай тәртіпсіздікке қатысушыларды, соның ішінде президент резиденциясына шабуыл жасағандарды ұстау барысында «Глок» маркалы тапанша мен 29 оқ және 3 тегіс ұңғылы мылтық тәркіленді.
Тергеудегі «Қазақстандық» ұйымдасқан қылмыстық топтың мүшелері өз еріктерімен 39 бірлік қару, 1 дауыстық граната, 1 броньды сауыт және 98 оқ тапсырды.
Полиция органдары «Қорған» аңшылық дүкенінен қару ұрлауға қатысы бар өңірдің тұрғындары ұсталды. Тінту барысында олардың тұрғылықты жері бойынша оптикалық нысана, тегіс ұңғылы оқпен жабдықтауға арналған станок, сондай-ақ «ASG» страйкболға арналған мылтық алынды.
Сурет: ҚР ҰҚК баспасөз қызметі
Жамбыл облысында «Калашников» автоматы, револьвер, «Сайга» карабині және 328 оқ-дәрі жасырылған орын табылды.
Қызылорда облысында «Калашников» автоматы, «Макаров» тапаншасы, «Борз» тапанша-пулеметі, «Сайга» карабині, «Ф-1» гранатасы және 59 оқ-дәрі жасырылған орындар анықталды.
Шығыс Қазақстан облысында Полиция департаментімен бірге жасырын жерден 1 шолақ мылтық, 1 «РГ-42» гранатасы, 168 оқ-дәрі және 1 броньды сауыт алынды.
Сурет: ҚР ҰҚК баспасөз қызметі
Түркістан облысында полиция органдарымен бірге «Мосина» маркалы мылтық тәркіленді.
Заңсыз айналымнан барлығы 61 қару, 13 граната және 1170 оқ-дәрі тәркіленді. Аталған фактілер бойынша сотқа дейінгі тергеу амалдары жүріп жатыр. ҚР ҰҚК баспасөз қызметі
