Елімізде жол-көлік апаты жиілеп кетті

Сарапшылардың есебі бойынша, 2022 жылғы қаңтар-мамыр айларында Қазақстанда 5,2 мың жол-көлік оқиғасы (ЖКО) тіркелді, бұл өткен жылдың сәйкес кезеңімен салыстырғанда 11,2%-ға көп, деп хабарлайды Zakon.kz.

Energyprom.kz сайтының жазуынша, ең көп жазатайым оқиға Алматыда – 1,5 мыңға жуық, одан кейін Алматы және Жамбыл облыстары – сәйкесінше 862 және 548 ЖКО тіркелген.

2022 жылғы қаңтар-мамырда жол-көлік оқиғаларының салдарынан 7,7 мыңға жуық адам зардап шекті, бұл 2021 жылғы қаңтар-мамырмен салыстырғанда 11,9%-ға көп. Оның ішінде 6,9 мың адам зардап шекті, бұл өткен жылдың осы кезеңімен салыстырғанда 10,9 пайызға көп, – дейді сарапшылар.

2022 жылы жол апатынан қаза тапқандар саны 744 адамға жетті.

Бұл сәйкес кезеңдегі (қаңтар-мамыр) 2015 жылдан бергі ең жоғары көрсеткіш. Өткен жылмен салыстырғанда бұл көрсеткіш бірден 22,6%-ға өсті.

Жол-көлік оқиғаларынан көп адам қаза болған өңірлер:

• Алматы облысы (163 адам);

• Жамбыл облысы (99 адам)

• Түркістан облысы (63 адам).