Петропавлда аса ірі көлемде есірткі сақтаған жас қыз 3 жылға сотталды

Сурет: Zakon.kz

Петропавлдың 22 жастағы тұрғыны есірткіні заңсыз сақтағаны үшін сотталды. Ол өткен жылғы қарашада жедел-іздестіру іс-шаралары кезінде ұсталды, деп хабарлайды Zakon.kz.

СҚО ПД Есірткі қылмысына қарсы іс-қимыл басқармасының қызметкерлері бойжеткеннен темекі шегуге арналған құралдар мен көк түсті кристалл тәріздес зат салынған екі полимерлік түйіншекті тәркіледі. Нәтижесінде сараптама аталған заттың «альфа-PvP» есірткісі, басқаша айтқанда белгілі «тұз» есірткісі екенін көрсетті.СҚО ПД баспасөз қызметі

Алынған заттың салмағы 2,9 грамм болған. Ведомство өкілдерінің мәлімдеуінше, бұл аса ірі көлемге жатады.

Қазіргі уақытта қыз ҚР Қылмыстық кодексінің 296-бабы 4-бөлігі «Есірткі, психотроптық заттармен, сол тектестермен өткізу мақсатынсыз заңсыз жұмыс істеу» бойынша 3 жылға дейін бас бостандығынан айыру жазасына кесілді.СҚО ПД баспасөз қызметі

Оқи отырыңыз