Қызылорда облысында қатты желден көппәтерлі 2 тұрғын үйдің шатыры ұшып кетті
Сурет: gov.kz
6 шілде күні соққан қатты желдің әсерінен Қызылорда облысы Жалағаш ауданында бірнеше ғимарат бүлінді, деп хабарлайды Zakon.kz.
Ведомство таратқан ақпаратқа сүйенсек, табиғи оқиға салдарынан көппәтерлі 2 тұрғын үйдің шатыры ұшып, сол жердегі 2 көлікке құлаған. Сондай-ақ, жақын маңда орналасқан электр бағаналары да үзілген.
Облыстық ТЖД төтенше жағдайлардың алдын алу бөлімінің бастығы Нұрбол Исанов қазіргі таңда шығын көлемі есептеліп жатқанын айтты.
Қатты желдің салдарынан тұрғын үй және әлеуметтік-мәдени нысандардың шатыры ұшып, коммуналдық қызметтердің жұмысы уақытша тоқтап қалды. Дегенмен оқиға салдарынан зардап шеккендер жоқ. Қазіргі уақытта жергілікті атқарушы органдар тексеріс жұмыстарын жүргізуде. Нұрбол Исанов
ТЖД өкілінің айтуынша, үзілген электр желілері қайта қалпына келтіріліп, коммуналдық қызметтер жұмыс істеп тұр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
