Астанада қатты соққан желден аялдама әйнегі ұшып кетіп, екі адам зардап шекті
Сурет: pixabay
2023 жылғы 3 желтоқсанда Астанада аялдаманың әйнегі ер адам мен әйел адамның үстіне құлады. Бұл жағдай елордада соққан қатты желдің салдарынан болды, деп хабарлайды Zakon.kz.
Аудан әкімдігінің хабарлауынша, оқиға Айнакөл көшесіндегі Шу аялдамасында болған.
"Қатты желдің салдарынан әйнек бекіткішінен босап, құлап, сынды. Соның салдарынан екі адам зардап шекті. Ер адамның оң жақ жамбасы сынып, №1 көпбейінді қалалық аурухананың жатқызылды политравматология бөліміне жатқызылды. Әйелді тексеріп, қажетті көмек көрсетілді. Амбулаторлық емдеуге жіберілді". Астана қаласы Алматы ауданының әкімдігі
Әкімдік 2023 жылғы 8 желтоқсанға дейін аялдамалар кешенін жөндеу-қалпына келтіру жұмыстары жүргізіліп, жаңа әйнектер орнатылатынын мәлімдеді.
"Қалпына келтіру жұмыстары мердігер есебінен жүргізіледі. Мердігерге қатысты да тергеу жүргізіледі. Бұған қоса онымен келісімшартты бұзу мәселесі қарастырылып жатыр". Астана қаласы Алматы ауданының әкімдігі
Елордалық қоғамдық денсаулық сақтау басқармасы зардап шеккен екі адамның қазіргі жағдайынан хабардар етті:
"Жан-жақты тексерудің нәтижесінде жарақат алған науқас стационарға жатқызылды. Науқастың жағдайы тұрақты. Бүгінгі күні хирургиялық ем тағайындалды. Екінші науқас амбулаторлық емделуге жіберілді".
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
