Шымкенттегі дәмханалардың бірінде 15 жастағы қыз көз жұмды

Сурет: Zakon.kz

Шымкентте ойын-сауық орталықтарының біріндегі фастфуд дәмханасында 15 жастағы қыз көз жұмды. Ол онда кассир болып жұмыс істеп, еден жуған, деп хабарлайды Zakon.kz.

Otyrar.kz басылымы қыздың жуырда ғана 9 сыныпты бітіріп, аттестат алғанын жазды. Мекемеде ол анасына көмектесу үшін жұмыс істеп, ақша жинап жүрген.

Қайғылы оқиға 3 шілдеде болды. Алдымен туыстарына бойжеткен электр тогынан көз жұмғанын айтқан. Ал қазір дәмхана иелері қыздың өлімі энергетикалық сусыннан болғанын айта бастады.

Бізді олардың айтқандары қайран қалдырды. Олардың айтуынша, таңертең аш қарынға энергетикалық сусын ішіп, жүрегі ауырып, құлаған. Бұл түсініксіз жайт, өйткені бізге бастапқыда электр тогы соққанын айтқан. Онымен бірге жұмыс істеген қыздан сұрадық. Ол кернеу болып, сіңілісінің басынан түтін шыққанын айтты. Жеңішхан Қалыбай, марқұмның ағасы

Анасының айтуынша, қыздың жүрегінде ақау болмаған. Ол әпкесімен бірге жұмыс істеген. Оған жұмыс орнында жоғары кернеу бары ескертіліпті.

Туыстарында сараптаманың алдын ала қорытындысы бар, сарапшылар қызды электр тогынан қайтыс болғанын айтқан. Сараптаманың кесімді қорытындысы 20 күннен кейін дайын болады.

Оқи отырыңыз