Испанияда аптап ыстық салдарынан 500-ден астам адам көз жұмды

Төтенше жағдай, сурет - Zakon.kz жаңалық 21.07.2022 20:14

Сурет: pixabay

Испанияда он күндік аптап ыстық кезінде 500-ден астам адам көз жұмды, деп хабарлайды Zakon.kz.

Испания премьер-министрі Педро Санчестің мәлімдемесі público газетінде жарияланды.

Оның айтуынша, Испанияда ауа температурасы өте жоғары +45°C-ді көрсетіп тұр. Бақилық болушылар, негізінен 85 жастан асқан адамдар.

Үкімет басшысы 20 шілдеде табиғи өрт өршіп тұрған Сарагоса провинциясында орналасқан Атека қаласында болды. Онда өрт 6 мың гектарға жуық аумақты қамтыды, бірнеше муниципалитеттен адамдарды эвакуациялауға тура келді.

Бұған дейін жергілікті БАҚ соңғы 10 күнде Испаниядағы табиғи өрттен 60 мың гектарға жуық орман ағаштары жойылғанын, жыл басынан бері 70 мың гектар аумақ зардап шеккенін хабарлаған. Осы жағынан алғанда, 2022 жылы елдегі өрттің саны соңғы онжылдықта тіркелгендердің орташа деңгейінен екі есе көп екенін көрсетті. Сондай-ақ өрт салдарынан екі адам қаза тапты, тағы 15 адам зардап шекті.

Оқи отырыңыз