Нұр-Сұлтанда газель түгі қалмай өртеніп кетті

Нұр-Сұлтанда «Газель» дәл жол бойында өртеніп кетті. Оның газ баллоны жарылған. Құтқарушылардың айтуынша, зардап шеккендер мен қаза болғандар жоқ, деп хабарлайды Zakon.kz.

Газель өртенген жерден түсірілген видео Instagram-дағы астаналық пабликтердің бірінде жарияланды.

Посмотреть эту публикацию в Instagram

Публикация от Астана Сергек 24/7 (@astana_sergek)

Zakon.kz тілшісіне Нұр-Сұлтан қаласының Төтенше жағдайлар департаментінен хабарлағандай, оқиға 28 шілде күні болған.

Сағат 15:48-де Нұр-Сұлтан қаласы Төтенше жағдайлар департаменті Тұран даңғылы, 89 мекенжайында «Газель» өртеніп жатыр деген хабарға жауап берді. Өрт сағат 16:02-де сөндірілді.Нұр-Сұлтан Төтенше жағдайлар департаментінің баспасөз қызметі

Ведомство оқиға салдарынан зардап шеккендер мен қаза болғандар жоқ деп түсіндірді.

Өртті сөндіруге Нұр-Сұлтан қалалық Төтенше жағдайлар департаментінің жеке құрамының бес адамы мен бір техникасы жұмылдырылды.