Павлодардағы балабақшада тәрбиешінің көмекшісі 3 жасар қызды ұрған

Әлеуметтік желіде балабақшадағы тәрбиешінің көмекшісі баланы төсекке жатқызып, ұрып-соққан видео таралды, деп хабарлайды Zakon.kz.

Осы жайт бойынша 9 тамызда Павлодар қаласының тұрғыны Айманов көшесі бойындағы Павлодар қаласының № 4 балабақшасында 3 жасар қызын тәрбиешінің көмекшісі ұрып-соққанын айтып, жүгінді.

Бұл факті тіркелді. Полицейлер оқиғаның мән-жайын анықтап, бейнебақылау камераларынан алынған бейнематериалдарды зерттеп жатыр. Сот-медициналық сараптама тағайындалды, соның нәтижесі бойынша процессуалдық шешім қабылданады.Павлодар облысы ПД баспасөз қызметі