Алматыда балаларды ұрған тәрбиеші қайтыс болды

Алматыдағы балабақшалардың бірінде балаларды ұрып-соққан тәрбиеші өз-өзіне қол жұмсады, деп хабарлайды Zakon.kz

Алматы қаласы полиция департаменті бұл деректі растады.

1979 жылы туған Б. есімді азаматша өз-өзіне қол жұмсады. Қазіргі таңда Жетісу аудандық полиция бөлімі ҚР Қылмыстық кодексінің 105-бабы бойынша сотқа дейінгі тергеу амалдарын жүргізіп жатыр.Алматы қаласы ПД баспасөз қызметі

Сондай-ақ істің мән-жайы анықталып жатқаны айтылды.

27 желтоқсан күні Қазнетте балабақша тәрбиешісінің балаларды қалай ұрып-соғып жатқаны түсірілген видео тарады. Кейін бұл оқиғаның Алматы қаласындағы балабақшалардың бірінде болғаны анықталды.

Балаларды ұрып-соғу дерегі бойынша Жетісу аудандық полиция басқармасы қылмыстық іс қозғаған еді.