Алматыда автобусты есірткі шегіп алып айдаған жүргізуші ұсталды
Сурет: polisia.kz
Алматыда автобус жүргізушісі есірткіге масаң күйде жолаушы тасымалдаған, деп хабарлайды Zakon.kz.
Оны полиция қызметкерлері Абай даңғылы мен Өтеген батыр көшесінің қиылысында тоқтатты.
Жүргізушінің әрекеті күдік туғызды. Оны медициналық тексеруден өтуге алып бардық, тексеру қорытындысы бойынша наркологтар есірткіге мас болғанын анықтады. Жүргізуші бірден қоғамдық көліктен шеттетілді. Мамандандырылған ауданаралық әкімшілік сотының шешімімен жүргізуші 8 жыл мерзімге көлік құралын басқару құқығынан айырылды, сонымен қатар 15 тәулікке әкімшілік қамауға алынды. Автобус арнайы айыппұл тұрағына қойылды. Әкімшілік полиция басқармасы бастығының орынбасары Дәулет Сейітқұлов
Сонымен қатар, ҚР Әкімшілік құқық бұзушылық туралы кодексінің 619-бабы бойынша есірткіге масаң күйдегі жүргізушіге автобус айдауға рұқсат берген автокөлік кәсіпорнының медицина қызметкеріне 150 мың теңге сомасында айыппұл салынды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
