Шымкенттік полицейлер қару-жарақ жасырылған екі орынды анықтады

Шымкент, қару-жарақ, сурет - Zakon.kz жаңалық 30.08.2022 16:56

Сурет: polisia.kz

Шымкенттік полицейлер атыс қарулары мен оқ-дәрілер жасырылған екі орынды тапты, деп хабарлайды Zakon.kz.

ҚР ІІМ мен Шымкент қаласы ПД және ҰҚКД-нің қызметкерлері мегаполис орталығындағы үйлердің бірінің қоршауы жанынан және орман алқабының жырасынан қару-жарақ жасырылған орындарды анықтады.

Нәтижесінде полиция қызметкерлері екі шолақ мылтық, ТТ-ға ұқсас тапанша, карабин, Калашников автоматын, “Сайга” тегіс ұңғылы мылтығын, “Бенелли” аңшылық мылтығын, “Штурм” полиция қалқанын және дене бронды жилет, сондай-ақ 115 патрон және Ф-1 оқу гранатасын тәркіледі.ҚР ІІМ баспасөз қызметі

ҚР ҚК-нің 287-бабының 1-ші және 3-бөліктері “Қаруды, оқ-дәрілерді және жарылғыш заттарды заңсыз сатып алу, өткізу, сақтау және алып жүру” бойынша сотқа дейінгі тергеу жүріп жатыр.