Түркістан облысында даладағы өрт сөндірілді

Түркістан өңірлік табиғи саябағының "Түркістан-Сырдария" филиалы территориясында құрғақ шөптер мен бұталар өртенді, деп хабарлайды Zakon.kz.

3 қыркүйекте сағат 13-40-та 10 гектар жерде құрғақ шөп пен бұталы дала өртенді. Өртті сөндіру барысында жайсыз метеожағдай кедергі келтірді. Жылдамдығы 25 м/с-тан асатын қатты жел тұрғандықтан, өрт үлкен аумаққа тез жайылды.

Сурет: Түркістан облысы әкімдігінің баспасөз қызметі

Тілсіз жаумен күреске 70 адам және 8 техника жұмылдырылды.

Өрт сағат 21-40-та толықтай жойылды.

Сурет: Түркістан облысы әкімдігінің баспасөз қызметі

Қаза болғандар мен зардап шеккендер жоқ.

Облыс аумағында өрт қауіпті аймақтарда кезекшілік ұйымдастырылды.

Сурет: Түркістан облысы әкімдігінің баспасөз қызметі

Облыс әкімі Дархан Сатыбалды жағдайды жеке бақылауында ұстап отыр.

Сурет: Түркістан облысы әкімдігінің баспасөз қызметі