Маңғыстауда Қаракөлге қап-қара сұйықтықты ағызған компанияға айыппұл салынды

Экология, сурет - Zakon.kz жаңалық 16.09.2022 23:11

Сурет: pixabay

Маңғыстау облысында Қаракөлге қап-қара су төккен компанияға айыппұл салынды, деп хабарлайды Zakon.kz.

Зертханалық зерттеулердің нәтижелері әлі жарияланған жоқ.

Маңғыстау облыстық Орман шаруашылығы және жануарлар дүниесі аумақтық инспекциясының хабарлауынша, уақытша вахталық қалашықта жұмыс кезінде жер асты суы жер бетіне көтеріліп, Қаракөлге аққан.

Аталған факті бойынша инспекция Әкімшілік құқық бұзушылық Кодексіне сәйкес мердігер ұйымға қатысты хаттама толтырып, 30 АЕК мөлшерінде айыппұл салды. Қазіргі уақытта көлге жаман судың түсуі тоқтатылды, жер асты суы арнайы техникамен сорылып, басқа жаққа апарып төгілуде, - деп хабарлады 16 қыркүйекте кешке ведомстводан.

14 қыркүйекте блогерлер Қаракөлге қап-қара сұйықтықтың төгіліп жатқанын видеоға түсірген. Көл республикалық маңызы бар қорық болып табылады. Мұнда бірнеше мың құс, оның ішінде Қызыл кітапқа енетіндері де мекендеп, қыстайды. Экологтар сынамалар алды.

Оқи отырыңыз