Көкшетау тауындағы өрт оқшауланды

Төтеншеліктер "Көкшетау" тауындағы өртпен әлі алысып жатыр. Өрт оқшауланғанымен, толығымен әлі ауыздықталған жоқ. ҚР ТЖМ таулы жердегі жалынмен күресудің бірқатар қиындығы бар екендігін айтады, деп хабарлайды Zakon.kz.

Сағат 11: 13-тегі жағдай. Бурабай МҰТП аумағында "Көкшетау" тауындағы өрт оқшауланды. Өрт шалған аумақтың алдын ала көлемі 0,03 гектарды (300 ш. м.) құрайды.

Өртті сөндіруге Ақмола облысы ТЖД жеке құрамының 200-ден астам адамы және "Бурабай" МҰТП-ның 70 қызметкері жұмылдырылды. "Қазавиақұтқару" АҚ тікұшағынан 12 рет су атқыланды (36 тонна). Оттың таралу қаупі жойылды және зардап шеккендер жоқ. ҚР ТЖМ баспасөз қызметі