Павлодар облысында жантүршігерлік жол апаты болды

Жүргізуші ашық бассүйек-ми жарақатын алған, маңдай және самай сүйектері сынған. Ол жансақтау бөліміне жатқызылды, деп хабарлайды Zakon.kz.

"103" қызметіне Ақсудағы көпірде болған апат туралы хабар 16 қазан күні түскен.

Оқиға орнына жедел жәрдем бригадасы қоңырау түскеннен кейін 5 минуттан соң жеткен.

Жүргізуші көлікке ие бола алмай жол бойындағы қоршауды сүріп өткен.

Дәрігерлердің сөзінше, 30 жастан асқан адамда ашық ми жарақаты, ауыр дәрежеде мидың шайқалуы анықталды. Маңдай және самай сүйектері, екі білегі сынған. Сондай-ақ церебральды кома және үшінші дәрежелі аралас шок тіркелді.

Зардап шеккен адам №1 қалалық аурухананың политравма бөлімшесіне жеткізіліп, кейін жансақтау бөліміне ауыстырылды.